Facebook iri kwica abantu – Joe Biden

Joe Biden ati: "Imbuga nka Facebook ziri kwica abantu zibaha amakuru atari yo"

Mu gikorwa cyatangijwe na White House(inzu y’umukuru w’igihugu cya Leta Zunze Ubumwe z’Amerika) kuri uyu wa gatanu, Perezida Joe Biden yumvikanye, avuga ko Imbuga nka Facebook ziri kwica abantu zibaha amakuru atariyo ku nkingo za COVID-19, kandi ibyo akaba aribyo bizamura umubare w’abantu bapfa.

Abajijwe icyo yabwira imbuga nka Facebook, Biden yagize ati: “Bari kwica abantu. Icyorezo kiri mu bantu batakingiwe. Bari kwica abantu.”

Ibi yabitangaje nyuma y’igikorwa bari bateguye gisunukira imbuga nkoranyambaga gukora cyane mu guhangana n’amakuru atari yo ku byerekeranye n’inkingo za COVID-19.

Facebook mu gusubiza, umuvugizi wayo yagize ati: “Ntabwo twagendera ku byo mutuvugaho bidafite aho bishingiye, ubu abantu barenga miliyari 2, babonye amakuru yizewe y’inkingo twashyize kuri Facebook. Kandi n’abanyamerika bangana na Miliyoni 3.3, bakoresheje Facebook babona aho bajya gufatira inkingo.”

“Ibyo byose bigaragaza ko Facebook iri gufasha mu gutabara ubuzima.”, Ni uko yasoje avuga.

Inkingo zo kurwanya COVID-19 ziraboneka ahantu hose, ariko abantu benshi ntibashaka kwiteza inkingo akensho kubera amakuru bagiye bazumvaho, ariko iri koranabuhanga naryo hari igihe ribitiza imbaraga. Kugira ngo inkingo zitangwe zikingire abantu, bisaba ko ziba zakoreweho ubushakashatsi buhagije. tugire ikibazo cy’aho wakura amakuru yizewe, rikoreshe uvugishe inzego z’ubuzima baguhe amakuru yizewe.

Source: The Verge

One comment

Duhe igitekerezo