Ikoranabuhanga ni iki?
Ikoranabuhanga ni uburyo bugezweho bwo gukoresha ubumenyi n’ibikoresho bya gihanga mu gutanga, kwakira no gutunganya amakuru. Ibi bikorwamo n’ibikoresho nka mudasobwa, telefone, interineti, porogaramu n’ibindi byose bifasha abantu kunoza imirimo yabo ya buri muns
Mudasobwa ni iki?
Mudasobwa ni igikoresho gifasha umuntu gukora no kubika amakuru, kuyasesengura ndetse no kuyohereza. Irifashishwa cyane mu nzego zitandukanye z’ubuzima: uburezi, ubucuruzi, ubuvuzi n’ibindi.
Uko Ikoranabuhanga Rihindura Imitekerereze y’Abantu
Nubwo rifite uruhare rukomeye mu iterambere, ikoranabuhanga rinagira ingaruka mbi ku mitekerereze ya muntu. Hari aho rituma umuntu adatekereza ku giti cye, aho yumva ko igisubizo cyose agisanga kuri Google, bigatuma ubwonko budakora uko bwari busanzwe.
Elon Musk yabivuze neza agira ati,”Mu gukoresha ubwenge bw’ubukorano, tumeze nk’abahamagara umudayimoni.”
Iri jambo rya Elon Musk risobanura ko nubwo ikoranabuhanga rifite imbaraga, iyo rikoreshweje nabi cyangwa rikabije, rishobora kugira ingaruka mbi ku buzima n’ubwenge bw’abantu. Ashishikariza abantu kudakoresha ikoranabuhanga nk’igikoresho cyo kwishora mu bintu batarasobanukirwa neza, ahubwo bagomba kurikoresha bafite intego n’ubwenge.
Ingaruka z’Ikoranabuhanga ku Mitekerereze y’Abantu
- Kugabanyuka k’ubushobozi bwo gutekereza byimbitse: Abantu benshi ntibakitekerezera, ahubwo bahora bishingikirije ikoranabuhanga.
- Kunanirwa gutuza no guhangana n’igihe: Imbuga nkoranyambaga zituma abantu bagira kwihutira byose, batabasha gutegereza.
- Gusenyuka kw’imibanire y’abantu
- Kwizera amakuru yose babonye kuri murandasi: Ibi bituma abantu baba indobanure z’amakuru y’ibinyoma, batagitekereza ngo bashishoze.
Uburyo Twakoresha Ikoranabuhanga mu Nyungu
- Kurigira no kurikoresha neza: Tugomba kwiga uburyo rikora kandi tukamenya igihe rikenewe n’igihe ridakenewe.
- Kwirinda kurimaraho igihe kirekire: Igihe kinini kuri telefone cyangwa mudasobwa gishobora gutuma umuntu ahinduka mu mitekerereze.
- Kwigisha abantu gutandukanya ukuri n’ibinyoma byo kuri interineti
- Gutozwa gusesengura amakuru mbere yo kuyemera.
Nk’uko Elon Musk yabivuze, ikoranabuhanga rishobora kuba “umudayimoni” mu gihe ridakoreshejwe mu nyungu nziza. Tugomba kuribyaza umusaruro mu buryo burengera ubwenge, imibereho n’umutekano w’amarangamutima yacu. Ikoranabuhanga ntirikwiye kudusimburira gutekereza, ahubwo rikwiye kudufasha gutekereza neza kurushaho.
Uramutse ufite ikibazo, ntuzuyaze kutubaza, watwandikira kuri email yacu [email protected] cyangwa ukeneye kwamamaza ku nyandiko zacu cyangwa muri video dukora nabwo, watandikira kuri iyo email.
